Ish-ministri i Financave dhe Ekonomisë gjatë qeverisjes së ish-kryeministrit Sali Berisha, Genc Ruli, është paraqitur paraditen e kësaj të hëne në ambientet e Gjykatës së Posaçme. Paraqitja e tij bëhet në kuadër të procesit gjyqësor lidhur me dosjen "Partizani", ku ndër të akuzuarit është edhe kreu i Partisë Demokratike, Sali Berisha.
Kjo nuk është hera e parë që Genc Ruli thirret për të dëshmuar në lidhje me këtë çështje. Më herët, gjatë këtij procesi, janë dëgjuar edhe ish-ministra dhe zyrtarë të tjerë të asaj periudhe, të cilët kanë dhënë deklaratat e tyre përpara gjykatësve dhe prokurorëve të SPAK-ut.