Kabineti izraelit miratoi 827 milionë dollarë shtesë për blerje emergjente ushtarake, sipas mediave lokale.
Vendimi u mor gjatë një telekonference të premten vonë në mbrëmje dhe u zbardh të dielën nga media kombëtare, përfshirë stacionin televiziv N12.
Ky vendim vjen më shumë se dy javë pas nisjes së operacioneve izraelito-amerikane kundër Iranit. Ministrat theksuan nevojën për siguri dhe përgjigje të menjëhershme ndaj situatës në terren, si dhe intensitetin e luftimeve.
Dokumenti i Ministrisë së Financave specifikon se fondet do të përdoren për blerjen e municioneve, armëve të përparuara dhe mjeteve kritike luftarake, për të adresuar nevojat urgjente operative.
Gazeta Haaretz raporton se detajet e përdorimit konkret të fondeve nuk janë bërë publike, por vendimi shihet si hap i domosdoshëm për nevojat e sigurisë.