Ministria e Punëve të Jashtme e Izraelit publikoi një hartë që paraqet rrezen e veprimit të raketave balistike iraniane, të cilat sipas zyrtarëve izraelitë shtrihen përtej Lindjes së Mesme deri në Evropë.
Hartë u publikua në një deklaratë zyrtare, ku thuhet se aftësitë raketore të Iranit paraqesin një kërcënim në rritje për paqen botërore. Grafiku, i nxjerrë nga Qendra për Studime Strategjike dhe Mbrojtje, tregon rreze koncentrike nga 300 km deri në 2500 km nga baza iraniane.
Raketat më të rrezikshme përfshijnë modelet balistike me rreze të mesme dhe të gjata:
- Shahab-3 dhe Ghadr-110, me rreze deri në 2000 km;
- Fateh-110 dhe Shahab-1, me rreze rreth 300 km;
- Sejjil, me rreze të ngjashme me modelet e gjata.
Sipas hartës, brenda rrezës bien kryeqytete si Athina, Sofja dhe Bukureshti, si dhe qytete të tjera të Ballkanit, përfshirë Kosovën. Në rrezen maksimale teorike, përfshihen edhe Budapesti, Vjena, Varshava dhe Bratislava.
Ky paralajmërim vjen në kontekstin e konfliktit të vazhdueshëm në Lindjen e Mesme, i nisur me sulme nga SHBA dhe Izraeli ndaj Iranit, i cili sipas ekspertëve ka marrë përmasa gjeopolitike të mëdha.
Analistë të pavarur theksojnë se këto rreze janë teorike dhe aftësia reale varet nga faktorë si saktësia e goditjes, pengesat e kontrollit ajror dhe kushtet taktike. Zëdhënësi iranian Esmail Baghaei u përgjigj se bashkësia ndërkombëtare njeh konfliktin dhe paralajmëroi për pasoja globale nëse injorohet.
Përditësime
Asambleja e Ekspertëve e Iranit zgjodhi Mojtaba Khamenei si Udhëheqës Suprem të ri më 3 mars 2026, nën presionin e IRGC-së.
- SHBA dhe Izraeli nisën sulme të përbashkëta ndaj Iranit më 28 shkurt 2026, duke vrarë Liderin Suprem Ali Khamenei.
- Irani kundërpërgjigjej duke goditur objektiva në vendet aleate të SHBA-së.
- Mojtaba Khamenei, i lindur në 1969 në Mashhad, ka lidhje të ngushta me IRGC dhe Basij.
- Irani lëshoi raketa drejt Qipros për shkak të bazës britanike të përdorur nga forcat amerikane.
- NATO interceptoi një raketë të nisur drejt Turqisë, e cila kaloi hapësirën ajrore të Irakut dhe Sirisë të mërkurën.
- Ministria e Jashtme e Izraelit publikoi në X një hartë me citatin: “Aftësia balistike e Iranit shtrihet përtej Lindjes së Mesme. Regjimi i Ajatollahëve iranianë po kërcënon paqen botërore”.