Jack Grealish, 30-vjeçari i huazuar te Everton nga Manchester City, ka mbyllur sezonin pas një operacioni në këmbën e majtë. Dëmtimi ndodhi më 18 janar 2026 gjatë ndeshjes kundër Aston Villa në Premier League dhe do ta mbajë atë jashtë fushave për disa muaj.
Gjatë gjysmës së parë të sezonit, Grealish ka qenë figurë kyçe për Everton, me dy gola dhe gjashtë asistime në kampionat. Ai u bë lider i skuadrës dhe rifitoi formën e humbur më parë, duke u bërë i preferuar i tifozëve.
Në një postim në Instagram më 9 shkurt 2026, Grealish shkroi: «Nuk doja që sezoni të përfundonte kështu, por ky është futbolli. Jam shumë i zhgënjyer. Operacioni u krye dhe tani gjithë fokusi është të rikthehem në formë. Jam i sigurt se do të kthehem më i fortë, më i përgatitur dhe më i mirë se më parë». Ai falënderoi stafin, shokët e skuadrës dhe tifozët: «Mbështetja që kam marrë që nga ardhja në këtë klub të jashtëzakonshëm ka pasur shumë domethënie për mua. Do t’i mbështes djemtë deri në fund dhe do të bëj gjithçka për t’u rikthyer sa më shpejt. Faleminderit për gjithë dashurinë. UTFT».
Ndikimi në karrierë
Dëmtimi ndalon Grealishin të vazhdojë në fazën vendimtare të kampionatit dhe rrezikon rikthimin e tij në kombëtaren e Anglisë për Botërorin 2026. Ai nuk ka luajtur me përfaqësuesen që nga tetori 2024, ndërsa forma e mirë mund ta kishte bindur trajnerin Tuchel për një vend në listë.