Jerzy Dudek, ish-portier i kombëtares polake dhe heroi i finales së Champions League-s kur Liverpool-i fitoi kundër Milan-it, ka dhënë një intervistë për gazetën "Super Express" para ndeshjes së sotme mes Polonisë dhe Shqipërisë në Varshavë.
Ai deklaroi se Polonia duhet të dominojë kundërshtarin dhe të diktojë lojën, duke mos u mbështetur te forma e portierit. “Nuk mendoj se ndeshja kundër Shqipërisë mund të shkojë në një mënyrë ku ne mbështetemi te forma e portierit. E kuptoj që ai do të priste një ose dy gjuajtje në momente vendimtare. Megjithatë, ne duhet ta kemi topin dhe ta diktojmë lojën. Nëse portieri është heroi i ndeshjes, kjo do të na reflektojë keq. Me gjithë respektin për Shqipërinë”, u shpreh Dudek.
Kjo deklaratë vjen për shkak të dëmtimit të portierit kryesor Łukasz Skorupski, ndërsa zëvendësuesi i tij pritet të jetë Kamil Grabara. Ndeshja zhvillohet në Varshavë më 26 mars 2026.