Jose Mourinho ka nënshkruar kontratë me Real Madridin deri në qershor të vitit 2029. Klubi madrilen ka paguar klauzolën e lirimit prej 3 milionë eurosh te Benfica, duke e lënë trajnerin portugez të lirë për të firmosur.
Negociatat u zhvilluan ditët e fundit me ndërmjetësimin e agjentit Jorge Mendes dhe pjesëmarrjen e presidentit Florentino Perez. Marrëveshja fillestare është tri-vjeçare dhe ekziston mundësia e vazhdimit për një vit shtesë, vendim që do të merret më vonë nga Mourinho dhe avokati i tij.
Mourinho do të rikthehet te Real Madridi pas 13 vjetësh. Ai drejtoi ekipin nga viti 2010 deri në 2013 dhe fitoi La Ligën, Kupën e Mbretit dhe Superkupën e Spanjës. Zyrtarizimi i kontratës pritet të ndodhë brenda ditëve të ardhshme.
Përditësime
Fabrizio Romano ka konfirmuar marrëveshjen. Jose Mourinho pritet të udhëtojë në Madrid javën e ardhshme për hapat përfundimtarë. Gjithçka është rënë dakord, vetëm njoftimi zyrtar mbetet në pritje.