1 Përditësim — Shiko përditësimet
Julia Emiri është zgjedhur kryetare e re e Këshillit Kombëtar të Partisë Demokratike (PD). Procesi i votimit u mbyll me shpalljen e rezultatit nga kryetari i komisionit të votimit, Gazment Bardhi.
Sipas të dhënave zyrtare, Julia Emiri siguroi 207 vota, ndërsa kandidatja tjetër, Silva Hasaj, mori 83 vota. Pas këtij procesi, Partia Demokratike ka vijuar me numërimin e votave për anëtarët e rinj të Kryesisë.
Julia Emiri, përveç angazhimit si aktiviste, njihet në publik edhe për karrierën e saj si aktore.
Përditësime
Julia Emiri është zgjedhur kryetare e Këshillit Kombëtar të Partisë Demokratike në mbledhjen konstituive të zhvilluar sot. Ajo zëvendëson në këtë detyrë Edi Palokën, i cili nuk rikandidoi për një mandat të ri.