Juliette Bryant, një nga personat që ka folur për përvojën e saj me Jeffrey Epstein, ka dhënë dëshminë në një intervistë për CBS News, ku shpjegon mënyrën e rekrutimit në Afrikën e Jugut.
Bryant jetonte atyherë në Afrikën e Jugut, ku studioja psikologji dhe filozofi, dhe kishte filluar të punonte si modele. Në një restorant, një vajzë iu afrua dhe e prezantoi me Epsteinin, të quajtur “Mbreti i Amerikës”, të shoqëruar nga Bill Clinton, Kevin Spacey dhe Chris Tucker. Sipas saj, iu tha se miku i Epsteinit, Leslie Wexner, zotëronte markën Victoria’s Secret, dhe një takim me ta mund ta ndihmonte karrierën e saj.
Pas takimit fillestar, u kontaktua nga zyra e Epsteinit për të paraqitur portofolin e modelimit. Atje i siguruan dokumentet për vizë, biletat dhe organizimin e udhëtimit drejt Shteteve të Bashkuara. Procedurat për vizë u përshpejtuan në mënyrë të pazakontë: “Zakonisht është shumë e vështirë të marrësh vizë në Afrikën e Jugut, por brenda rreth tre javësh isha në SHBA”, ka deklaruar ajo.
Bryant thotë se u dërgua në ishullin privat të Epsteinit në Karaibe, Little Saint James, ku u izolua pa ndonjë ofertë reale për modelim. “Më duheshin vite për të kuptuar se më kishin rrëmbyer. Në atë kohë isha e tronditur, sidomos sepse përfshinte njerëz në pozita pushteti. Më çuan në ishull dhe më izoluan. Në thelb, më mashtruan”, ka rrëfyer ajo.
Jeffrey Epstein u arrestua në vitin 2019 për trafikim seksual të të miturve.