Përfaqësuesja e Lartë e Bashkimit Evropian për Politikën e Jashtme dhe Sigurinë, Kaja Kallas, ka dënuar ashpër sulmin e forcave ruse ndaj një qendre tregtare në qytetin Kryvyi Rih të Ukrainës. Si pasojë e këtij goditjeje, 16 persona kanë humbur jetën, ndërsa rreth 130 të tjerë kanë mbetur të plagosur. Në një reagim publik përmes platformës X, Kallas e përshkroi sulmin si një akt "terrori të planifikuar", duke theksuar se qëllimi i Rusisë është shndërrimi i qyteteve ukrainase në zona të pabanueshme.
Në lidhje me reagimin e Bashkimit Evropian, Kallas njoftoi se ka paraqitur propozimin për paketën më gjithëpërfshirëse të sanksioneve ndaj Rusisë që nga fillimi i luftës. Sipas saj, presioni ndaj Moskës duhet të intensifikohet derisa të marrë fund lufta në Ukrainë.
Për të adresuar zhvillimet e fundit, ministrat e Jashtëm dhe të Mbrojtjes të vendeve anëtare të BE-së do të zhvillojnë një takim në Dublin pas më pak se dy javësh. Në këtë mbledhje do të diskutohet zgjerimi i mbështetjes për Ukrainën, me fokus të veçantë te forcimi i mbrojtjes ajrore dhe rritja e kapaciteteve kundër raketave.