Friedrich Merz, kancelari i Gjermanisë, ka përjashtuar pjesëmarrjen e vendit të tij në luftën e SHBA-së dhe Izraelit kundër Iranit.
Në një konferencë shtypi në Berlin më 16 mars 2026, Merz deklaroi se kjo luftë nuk është çështje për NATO.
"Ne nuk kemi mandatin nga Kombet e Bashkuara, Bashkimi Evropian ose NATO që kërkohet sipas Ligjit Themelor. Prandaj ishte e qartë që nga fillimi se kjo luftë nuk është një çështje për NATO-n", tha ai.
Kancelari shtoi se SHBA-ja dhe Izraeli nuk i kanë konsultuar Gjermaninë para fillimit të kësaj lufte.
"Shtetet e Bashkuara të Amerikës dhe Izraeli gjithashtu nuk na konsultuan para kësaj lufte. Prandaj nuk shtrohet fare pyetja se si Gjermania mund të përfshihet ushtarakisht në këtë çështje", u shpreh Merz.
Sipas tij, mungesa e konsultimeve nënkupton se nuk ka pasur diskutim për përfshirjen e trupave gjermane.
Përditësime
Donald Trump kërkoi ndihmë nga vendet e tjera për të mbajtur të hapur Ngushticën e Hormuzit, duke testuar reagimin e tyre.
- Trump përsëriti se SHBA i mbron të tjerët, por ata nuk do ta mbrojnë SHBA-në kur të nevojitet.
- Për liderin suprem iranian Mojtaba Khamenei, Trump tha: "Nuk dihet nëse është i vdekur, askush nuk e ka parë dhe thuhet se është shpërfytyruar nga sulmet."
- Reuters raporton, sipas një zyrtari iranian të paidentifikuar, se Khamenei është lënduar lehtë.