Pas suksesit në Stamboll, ku mblodhi 118.000 spektatorë duke vendosur një rekord botëror për koncerte në stadiume, këngëtari Ye (i njohur si Kanye West) do ta zhvillojë koncertin e tij të radhës në Shqipëri.
Ministri i Turizmit, Kulturës dhe Sportit, Blendi Gonxhja, njoftoi se më 11 korrik 2026, Tirana do të shndërrohet në epiqendrën evropiane të muzikës dhe kulturës. Sipas tij, ky event do të ofrojë një super-spektakël të standardeve globale, me një skenë gjigante dhe elemente të teknologjisë immersive, duke garantuar një përvojë të papërsëritshme për publikun.
Aktualisht, vijon puna intensive për ndërtimin e Eagle Stadium, një strukturë e posaçme që po ngrihet enkas për këtë ngjarje në Kashar, përgjatë aksit rrugor Tiranë-Durrës. Stadiumi pritet të mirëpresë rreth 60.000 spektatorë nga Shqipëria, rajoni dhe bota.