Belind Këlliçi, deputet i Partisë Demokratike, ka reaguar në Facebook kundër menaxhimit të fondeve për infrastrukturën rrugore nga ana e zv. kryeministres Belinda Balluku.
Sipas tij, gjatë dy viteve të fundit, Ministria e Infrastrukturës ka pasur në dispozicion një fond rekord prej 3.8 miliardë eurove për rrugët, një shumë që do të duhej të kishte sjellë përmirësime të ndjeshme në një vend me përmasat e Shqipërisë.
Këlliçi thekson probleme konkrete në rrjetin rrugor:
- Bllokimi i qarkullimit në juglindje të vendit për shkak të dëmtimeve në segmente rrugore;
- Vonesat në zgjerimin e aksit Milot–Shkodër në veri;
- Zvarritjen e punimeve në segmentin Tiranë–Kashar;
- Trafikun e rënduar drejt Durrësit dhe radhët e gjata të automjeteve në hyrje-dalje të Elbasanit gjatë fundjavave.
Ai deklaron se këto 3.8 miliardë euro janë taksat dhe pasuria e shqiptarëve, të cilat, sipas tij, janë keqpërdorur për shkak të korrupsionit. Këlliçi e cilëson korrupsionin si shkelësin kryesor të të drejtave të qytetarëve për rrugë më të mira, shërbime shëndetësore, paga dhe pensione më të larta.
Deputeti fton qytetarët të ngrenë zërin dhe të bashkohen në shesh më 28 shkurt për të kërkuar llogari për këto fonde.