Një gazetar mashkull kosovar ka raportuar në Policinë e Kosovës se ka marrë një mesazh kërcënues dhe fyes përmes rrjeteve sociale nga një person i dyshuar. Rasti është regjistruar më 6 shkurt 2026, rreth orës 15:03, në Lagjen e Spitalit në Prishtinë.
Sipas raportit 24-orësh të policisë, ankuesi ka deklaruar se mesazhi përmbante përmbajtje kërcënuese dhe ofenduese. Lidhur me rastin, policia ka njoftuar menjëherë prokurorin kompetent.
Deri tani nuk raportohet për persona të arrestuar. Rasti mbetet nën hetime nga autoritetet policore.