Këshilli Gjyqësor i Kosovës (KGJK), në mbledhjen e tij të 363-të të zhvilluar më 5 mars 2026, mori vendim që Gjykata Administrative të fillojë punën nga data 5 maj 2026.
Gjykata Administrative do të funksionojë si gjykatë e shkallës së parë, me juridiksion në tërë territorin e Republikës së Kosovës. Ajo do të jetë kompetente për shqyrtimin dhe vendosjen e të gjitha konflikteve administrative, përfshirë kontestet që rrjedhin nga marrëdhëniet e punës në sektorin publik, në përputhje me legjislacionin në fuqi.
Kryesuesi i KGJK-së, Albert Zogaj, deklaroi se kjo datë respekton afatet ligjore. Ai njoftoi se gjatë periudhës së ardhshme do të ndërmerren veprime për transferimin e lëndëve.
Janë shpallur dy konkurse për gjyqtarë: i pari më 26 dhjetor 2025 dhe i dyti më 12 shkurt 2026.
Gjyqtarët e departamentit administrativ nga Gjykata Themelore në Prishtinë që nisin punën më 5 maj 2026 janë:
• Bekim Maloku
• Driton Nocaj
• Blerim Beshtica
• Kaltrinë Emini
• Jeton Krasniqi
• Rexhep Bllaca
• Rovena Kastrati
• Albana Çeku
Ndërsa gjyqtarët që nisin punën më 1 korrik 2026 janë:
• Senad Elshani
• Medina Rama-Xhemali
• Berkan Hamza
• Andrra Fazliu
• Rigë Sylaj.
Përditësime
Këshilli Gjyqësor i Kosovës miratoi draft-rregulloren 01/2026 për sistemimin e vendeve të punës në Gjykatën Administrative.
Këshilli propozoi për presidenten dekretimin e 15 gjyqtarëve me mandat fillestar, riemërimin e 28 gjyqtarëve me mandat të përhershëm dhe dekretimin e 2 gjyqtarëve nga komuniteti serb me mandat fillestar.
Kryesuesi Zogaj dha detaje për përgatitjet: transferimin e lëndëve, zhvillimin e sistemit të menaxhimit, plotësimin e stafit administrativ dhe përgatitjen e hapësirave.