Ministri i Jashtëm kinez Wang Yi bëri të ditur kërkesën e Kinës për bashkëpunim me Rusias në de-eskalimin e luftës në Lindjen e Mesme. Kjo u njoftua gjatë një telefonate me homologun rus Sergey Lavrov, të iniciuar nga ky i fundit.
Sipas mediave shtetërore kineze, Wang Yi theksoi se “Kina dhe Rusia duhet të sigurojnë drejtësi në çështjet kryesore”. Ai paralajmëroi se situata në rajon “po përkeqësohet dhe luftimet po intensifikohen”.
Wang Yi ripërsëriti thirrjen e Pekinit për një armëpushim të menjëhershëm në konfliktin e nisur më 28 shkurt, pas sulmeve ajrore izraelite dhe amerikane ndaj Iranit.
Ai nënvizoi synimin e Kinës për të vazhduar bashkëpunimin me Rusias në Këshillin e Sigurimit të OKB-së, duke koordinuar qëndrimet për të ulur tensionet, për të ruajtur stabilitetin rajonal dhe sigurinë globale.
Pekini dhe Moska mbajnë marrëdhënie të forta politike dhe ekonomike, të cilat janë forcuar edhe më shumë pas pushtimit rus të Ukrainës në vitin 2022.