Kjetil Knutsen, trajneri i Bodo/Glimt, ka thumbuar Interin në konferencën për shtyp para ndeshjes së kthimit në San Siro, në kuadër të fazës play-off të Ligës së Kampioneve.
Në sfidën e parë, skuadra norvegjeze fitoi me rezultatin 3-1 kundër zikaltërve, të cilët u ankuan për kushtet e fushës sintetike në Norvegji, të penguara nga reshjet e dëborës për ditë me radhë.
Knutsen deklaroi: "Mançester Siti as nuk e kishte përmendur fushën. As ne nuk jemi mësuar me San Siro, por mendojmë për gjëra të tjera. Ajo që bëjnë të tjerët nuk është e rëndësishme për ne, ata që mendojnë për të ftohtin apo gjëra të tjera, nuk janë të shkathët".
Ai shtoi se luajtja në San Siro është një dhuratë për ekipin e tij dhe theksoi filozofinë e lojës: "Kemi një ide futbolli të fortë dhe intensiv, jemi frymëzuar nga Liverpuli i Klop. Ka lojtarë që duan të vijnë këtu te ne, nuk jemi një qytet i madh, por mund të mësosh të luash futboll. Ne jemi të përulur. Nuk duhet vetëm të mbrojmë, duhet të mendojmë sikur jemi 0-0 dhe të mos qëndrojmë shumë poshtë. E gjithë skuadra duhet të ndihmojë në mbrojtje dhe pastaj në sulm. Në ndeshjen e parë u treguam të aftë ta mbyllnim takimin, jemi përmirësuar".
Për të përgatitur skuadrën, Knutsen ka zgjedhur stërvitje speciale në Marbella të Spanjës, ku klima e butë ndihmon lojtarët të përshtaten me temperaturat italiane, larg acarit norvegjez.