Deputeti i Partisë Demokratike, Klevis Balliu, i ftuar në studion e News24, ka folur për protestën kombëtare të radhës, të thirrur nga PD për të nesërmen.
Balliu u shpreh se protesta do të jetë ndryshe nga tubimet e javëve të fundit të opozitës dhe do të ketë një formë përshkallëzimi.
Sipas tij, do të ketë forma të ndryshme të shprehjes së revoltës, ndërsa nënvizoi se protesta vijon sepse e kërkon me ngulm përshkallëzimi i aksionit të opozitës.
"Do ketë një protestë të cilën në protestat e fundit nuk e keni parë. Do ketë përshkallëzim. Do ketë forma të ndryshme. Protesta vijon sepse kërkon me ngulm përshkallëzimi i aksionit të opozitës", deklaroi Balliu mes të tjerash.