Deputeti i Partisë Demokratike, Klevis Balliu, zhvilloi takime me qytetarët në Njësinë 10 të Tiranës. Gjatë këtyre takimeve, ai u njoh me shqetësimet e tyre dhe bëri thirrje për pjesëmarrje masive në protestën e organizuar nga opozita më 24 janar në orën 17:00.
Balliu nënvizon se kjo qeveri është kthyer në një cenim për sigurinë kombëtare dhe për të rinjtë shqiptarë. Ai bën thirrje për përshkallëzim të protestës deri në krijimin e një qeverie teknike.
Protesta vjen pas skandaleve të fundit në lidhje me Belinda Ballukun dhe aferën e AKSHI-t. Opozita e ka paralajmëruar këtë demonstratë si përgjigje ndaj këtyre ngjarjeve.