Klevis Balliu, deputet i Partisë Demokratike, ka bërë thirrje publike qytetarëve për t’u mbledhur para Kuvendit të Shqipërisë në orën 10:00 të 12 marsit 2026. Kjo protestë e opozitës zhvillohet në prag të seancës plenare, ku deputetët pritet të votojnë për kërkesën e Strukturës së Posaçme Kundër Korrupsionit dhe Krimit të Organizuar (SPAK) për heqjen e imunitetit parlamentar të Belinda Ballukut.
Balliu ka ndarë pamje nga hyrja e Kuvendit, e rrethuar nga forca të shumta policie. Ai i fton qytetarët të bashkohen kundër qeverisë, e cila, sipas tij, mbron Belinda Ballukun, ish-zëvendëskryeministre dhe ministre, që SPAK kërkon ta arrestojë.
Në deklaratën e tij, Balliu tha: «Sot qeveria që ka lënë në burg dhe ka arrestuar qytetarët se nuk kanë paguar dritat fshihen në Kuvend me gjithë këto forca policie që Balluku të mos futet në burg pavarësisht miliarda euro të vjedhur. Sot në orën 10:00 të gjithë qytetarët të bashkohen kundër një qeverie që kërkon burg për qytetarët dhe amnisti për pushtetarët e korruptuar».