Pak orë para nisjes së seancës plenare, policia ka marrë masa të shtuara sigurie rreth godinës së Parlamentit në Shqipëri. Këto masa vijnë për shkak të protestës së paralajmëruar nga Partia Demokratike, e cila do të zhvillohet në të njëjtën kohë me votimin mbi kërkesën e SPAK-ut për heqjen e imunitetit të deputetes socialiste Belinda Balluku.
Një ditë më parë, zona përreth Kuvendit u rrethua me barriera metalike si masë paraprake. Forca të shumta policie janë vendosur për të garantuar rendin dhe sigurinë gjatë protestës. Pamjet nga A2 CNN tregojnë kordonin policor jashtë godinës.
Partia Demokratike ka njoftuar se do të protestojë si jashtë ashtu edhe brenda sallës së seancave plenare. Kjo ka detyruar institucionet të vendosin masa të përforcuara sigurie. Protestuesit janë thirrur në orën 10:00.
Ligjvënësit socialistë do të mbërrijnë më herët në seancë për të shmangur përplasjet me protestuesit e opozitës. Brenda sallës pritet debat mes mazhorancës dhe opozitës lidhur me kërkesën e SPAK-ut për Belinda Ballukun.