Që nga orët e hershme të mëngjesit të datës 4 korrik 2026, qytetarët që udhëtojnë nga Kosova drejt Shqipërisë po përballen me pritje të gjata në pikat kufitare. Sipas njoftimit zyrtar të Qendrës Kombëtare për Menaxhim Kufitar (QKMK), procesi i regjistrimit të hyrjeve nga ana e autoriteteve shqiptare ka ndikuar në ngadalësimin e qarkullimit.
Kolonat e automjeteve në dalje të Republikës së Kosovës kanë arritur gjatësinë prej rreth 3,5 kilometrash. Pritjet kanë filluar që nga ora 04:00 e mëngjesit. Autoritetet rekomandojnë qytetarët që të planifikojnë udhëtimet e tyre duke pasur parasysh këtë gjendje në pikat kufitare.
Për informacione të përditësuara mbi situatën, QKMK ka vendosur në dispozicion numrat e kontaktit 045 198 000 dhe 045 198 606.