Gjeneralmajori Özkan Ulutaš, komandant i misionit KFOR të udhëhequr nga NATO në Kosovë, u takua më 14 mars 2026 në Beograd me Gjeneralin Milan Mojsilović, shef i Shtabit të Përgjithshëm të Forcave të Armatosura të Serbisë. Ky takim shënoi një moment të rëndësishëm, pasi ishte i fundit para përfundimit të mandatit të dytë të gjeneralmajorit Ulutaš në krye të KFOR-it.
Takimi ishte pjesë e komunikimeve të rregullta dhe transparente ndërmjet KFOR-it dhe ushtrisë serbe, të cilat synojnë të nxisin mirëkuptimin e ndërsjellë dhe të forcojnë bashkëpunimin në trajtimin e zhvillimeve të sigurisë dhe në ruajtjen e stabilitetit rajonal. Me këtë rast, gjeneralmajori Özkan Ulutaš e falënderoi gjeneralin Milan Mojsilović për bashkëpunimin konstruktiv dhe mbështetjen e treguar gjatë gjithë mandatit të tij.
Gjatë takimit, palët shkëmbyen pikëpamje për tema me interes të përbashkët. Gjeneralmajori Özkan Ulutaš mirëpriti gjithashtu njoftimin për stërvitjen e përbashkët NATO-Serbi, e cila do të zhvillohet në Serbi në muajin maj. KFOR-i nuk do të ketë asnjë rol në këtë stërvitje, e cila organizohet në respekt të plotë të politikës së shpallur të Serbisë për neutralitet ushtarak.
KFOR-i vazhdon të zbatojë mandatin e tij në Kosovë në përputhje me Rezolutën 1244 të Këshillit të Sigurimit të Kombeve të Bashkuara.
Përditësime
Gjeneralmajori Özkan Ulutaš u takua me gjeneralin Milan Mojsilović në takimin e tij të fundit zyrtar para përfundimit të mandatit në krye të KFOR-it.