Kombetarja shqiptare e futbollit ka nisur zyrtarisht pergatitjet per dy perballjet miqesore te ketij muaji kunder perfaqesueseve te Izraelit dhe Luksemburgut. Kjo seance shenoi edhe fillimin e punes nen drejtimin e stafit te ri teknik me ne krye trajnerin Rolando Maran.
Ne stervitjen e pare, e cila u zhvillua ne ambientet e Shtepise se Futbollit, futbollistet kryen ushtrime te ndryshme taktike pas nje pergatitjeje fillestare ne palester. Grupi i lojtareve u stervit i plote, me perjashtim te Naser Alijit, i cili kreu nje faze te diferencuar rikuperimi pas angazhimit 90-minutesh me klubin e tij, Dinamo City. Nderkaq, behet e ditur se mbrojtesi Ardian Ismajli eshte larguar nga grumbullimi per shkak te problemeve fizike.
Axhenda e Kombetares vijon diten e marte me seancen e fundit zyrtare stervitore ne stadiumin Air Albania, e cila do te nise ne oren 17:00. Pak perpara kesaj, ne oren 16:30, trajneri Rolando Maran dhe nje futbollist i ekipit do te dalin ne konferencen zyrtare per mediat. Takimi ndaj Izraelit do te zhvillohet te merkuren, me 3 qershor, ne oren 20:00.
Përditësime
Kombëtarja shqiptare zhvilloi sot seancën e fundit stërvitore në stadiumin "Air Albania" në kuadër të përgatitjeve për miqësoret e qershorit. Stafi teknik aplikoi punën në grupe të diferencuara: dyshet Broja-Mehmeti dhe Shpendi-Hasa, si dhe treshen Aliji-Daku-Seferi. Mbrojtësi Naser Aliji është rikuperuar plotësisht dhe është bashkuar me grupin për stërvitje.
• Sulmuesi Myrto Uzuni është në dyshim për miqësoret e qershorit për shkak të një gjendjeje gripale.
• Federata Shqiptare e Futbollit bën me dije se biletat për takimet janë në shitje përmes platformës ebileta.al dhe pikës fizike pranë Stadiumit Kombëtar.