Kombëtarja shqiptare U-19 ka mbyllur përgatitjet në Durrës për ndeshjen ndaj Norvegjisë, e vlefshme për raundin e parë të Kampionatit Europian U-19 2027.
Ndeshja zhvillohet më 31 mars në orën 15:00 në stadiumin Shtëpia e Futbollit.
Skuadra, e drejtuar nga trajneri Fatjon Tafaj, paraqitet me grupin e plotë dhe pa probleme fizike. Të gjithë lojtarët janë në dispozicion dhe të gatshëm për këtë përballje.
Në dy ndeshjet e para të grupit, Shqipëria humbi 1-2 ndaj Luksemburgut, por fitoi 7-1 ndaj Maltës në Shtëpia e Futbollit. Norvegjia kryeson grupin me pikë të plota pas dy fitoreve.
Për kuqezinjtë, vetëm fitorja ndaj Norvegjisë siguron kualifikimin në Elite Round. Hyrja për tifozët është falas, ndërsa ndeshja transmetohet drejtpërdrejt në FSHF TV.