Kombëtarja shqiptare U-19 zhvilloi më 25 mars ndeshjen e parë të grupit B4 në kualifikueset e Europianit kundër Luksemburgut, në Shtëpinë e Futbollit. Kuqezinjtë, të udhëhequr nga trajneri Fatjon Tafaj, u mposhtën me rezultatin 2-1 pas një sfide të luftuar.
Trajneri Tafaj aktivizoi formacionin titullar si vijon:
• Raffaele Huli (GK)
• Lucas Cekrezi
• Kris Gecaj (C)
• Leon Sylejmani
• Andreas Llana
• Gabriel Kulla
• Arman Durmiši
• Oliver Blini
• Endrit Asani
• Rikardo Sheji
• Serxhio Vogli
Në pjesën e parë, Luksemburgu shënoi dy gola në minutat 28 dhe 35, duke krijuar një disavantazh të dyfishtë. Kuqezinjtë reaguan menjëherë: Arman Durmiši ngushtoi shifrat në minutën 44, pas një aksioni të nisur nga një anësore e Cekrezit.
Në pjesën e dytë, Shqipëria U-19 ushtroi presion dhe dominoi lojën, duke krijuar disa raste të rrezikshme për gol, por pa arritur të barazonte rezultatin. Sfida u mbyll me fitoren 2-1 të miqve.
Në ndeshjen tjetër të grupit B4, Norvegjia mundi Maltën me rezultatin 1-0 në stadiumin Niko Dovana.
Kombëtarja shqiptare do të luajë më 28 mars ndaj Maltës, po në Shtëpinë e Futbollit, në orën 15:00.