Federata Shqiptare e Futbollit (FSHF) bën me dije se Kombëtarja U-21 e Shqipërisë do të zhvillojë një ndeshje miqësore ndaj Uzbekistanit U-21 më 30 mars në Antalia, Turqi.
Departamenti i Komunikimit i FSHF shpjegoi se kjo marrëveshje u arrit me Federatën e Futbollit të Uzbekistanit, pas anulimit të dy ndeshjeve miqësore të planifikuara më parë në Antalia.
Takimi nis në orën 14:30 dhe shërben si test i rëndësishëm për ekipin kuqezi në kuadër të përgatitjeve për angazhimet ndërkombëtare të ardhshme.
FSHF do të njoftojë për çdo zhvillim të mëtejshëm në lidhje me programin e ndeshjeve të Kombëtares U-21.
Përditësime
SHBA dhe Japonia anuluan ndeshjet miqësore me Kombëtaren U-21 të Shqipërisë për shkak të situatës së tensionuar në Lindjen e Mesme. Trajneri Alban Bushi e konfirmoi zhvillimin. Këto ndeshje binin në kuadër të përgatitjeve për Evropianin U-21 2025, ku Shqipëria është organizatore.