Federata Shqiptare e Futbollit (FSHF) ka arritur marrëveshje me Federatën Japoneze të Futbollit për një ndeshje miqësore mes kombëtares shqiptare U-21 dhe asaj japoneze më 27 mars 2026 në Antalia, Turqi.
Orari dhe stadiumi i takimit do të njoftohen në ditët në vijim.
FSHF vazhdon bisedimet për të siguruar edhe një tjetër ndeshje miqësore për kombëtaren U-21 gjatë muajit mars.
Deri në Kampionatin Europian U-21 2027, kombëtarja shqiptare U-21 do të angazhohet vetëm në ndeshje miqësore, pasi Shqipëria është kualifikuar automatikisht si një nga vendet organizatore, së bashku me Serbinë.
Këto teste miqësore ofrojnë mundësi të rëndësishme për trajnerin Alban Bushi dhe stafin teknik për të vlerësuar gjendjen e lojtarëve, për të konsoliduar grupin dhe për të testuar elementë të rinj në funksion të turneut europian.