Komisioni për Buxhet i Kuvendit të Kosovës miratoi sot me 10 vota për, pa asnjë kundër apo abstenim, rekomandimin e Ministrisë së Financave për shtimin e tabelës buxhetore të Komunës së Prishtinës në Projektligjin për Buxhetin 2026.
Ministri i Financave, Hekuran Murati, shpjegoi se disa komuna ishin vonuar në miratim ose dorëzim të buxheteve te ministria. Ai theksoi se nëse komunat plotësojnë kërkesat para mesit të dy leximeve parlamentare, ministria do të propozojë tabela të përditësuara si amandamente përmes komisionit.
Sa i përket Prishtinës, Murati tha se buxheti i saj u dorëzua dje plotësisht sipas kërkesave. Procesin e kanë përmbyllur gjithashtu Komuna e Shtimes. Rekomandimi i ministrisë synon përfshirjen e tyre në tabelat e ligjit për ndarje buxhetore.
Ndërkaq, Komuna e Zubin Potokut miratoi buxhetin në kuvendin komunal dje, por ende nuk ka kompletuar procedurat pasuese. Murati përmendi se kjo çështje pritet të përmbyllët sot, në vijim të shqyrtimit në komision.
Përditësime
Enver Haliti, kryetari i Komisionit për Buxhet, sqaroi se përditësimi i tabelave buxhetore u bë si amandament në emër të komisionit. LDK-ja dhe Komuna e Prishtinës paraqitën propozime.