Kuvendi i Republikës së Kosovës përfundoi procesin e intervistimit të 22 kandidatëve për dy pozita gjyqtari në Gjykatën Kushtetuese. Komisioni posaçëm vendosi të rekomandojë 6 kandidatë për votim në Kuvend, pas vlerësimit dhe poentimit të tyre.
Intervistat u zhvilluan më 7 dhe 8 prill në ambientet e Kuvendit. Në total, kishin aplikuar 25 kandidatë, por u paraqitën 22, pasi nga gara u tërhoqën Rafet Haxhaj, Nazmije Krasniqi-Jusufi dhe Riza Krasniqi.
Komisioni posaçëm
Komisioni drejtohej nga Vigan Qorrolli si kryetar. Përbëhej nga deputetët Arbërie Nagavci (LVV), Arian Tahiri (PDK), Armend Zemaj (LDK), Sllavko Simiq (LS), Besnik Tahiri (AAK) dhe Artan Asllani (Grupi Parlamentar Multietnik). Pjesë e tij ishin edhe Arjeta Sadiku, zëvendëskryesuese e Këshillit Gjyqësor të Kosovës, dhe Safet Hoxha nga Gjykata Kushtetuese. Naim Qelaj, Avokati i Popullit, mungonte në shqyrtime dhe intervista.
Komisioni kishte konstatuar më parë se 25 kandidatë plotësonin kushtet formale.
Kandidatët aplikues
Lista e aplikantëve përfshinte:
- Vigan Rogova
- Zahir Qerkini
- Besart Belegu
- Makfirete Krasniqi
- Selman Ymeri
- Avdylkader Muçaj
- Elton Tota
- Benina Kusari
- Ramadan Gashi
- Rafet Haxhaj
- Shabi Idrizi
- Shpresa Emra
- Valbona Shala-Thaçi
- Suzana Gashi
- Ardita Haxhnikaj-Demi
- Novitet Nezaj
- Alban Muriqi
- Emine Abdyli-Pozhari
- Nazmije Krasniqi-Jusufi
- Riza Krasniqi
- Përparim Kalo
- Flamur Mrasori
- Jorida Xhafaj
- Islam Sllamniku
- Bahrie Zaçaj
Mes 6 kandidatëve të rekomanduar është Emine Abdyli-Pozhari, bashkëshortja e analistit të Lëvizjes Vetëvendosje, Xhevdet Pozhari.