Shenjat e plumbave, mure të çara nga artileria, si dhe mjetet e punës e transporti, kanë mbetur të ngrira në kohë në Kompleksin Memorial "Adem Jashari" në Prekaz të Skenderajt.
Ky kompleks përkujton ngjarjet e 5, 6 dhe 7 marsit 1998, kur forcat serbe vranë 59 persona, ndër ta anëtarë të familjes së ngushtë të Adem Jasharit, përfshirë gra dhe fëmijë.
Tash e afër 30 vjetësh janë bërë në vazhdimësi premtime dhe plane për restaurimin dhe konservimin e këtij kompleksi.
Plani më i fundit dhe më konkret u prezantua në fund të vitit 2024, si një masterplan për renovimin e tërësishëm të kompleksit, për të cilin nuk dihet se kur do të përfundojë plotësisht.