Komuna e Prishtinës ka hapur tender për ndërtimin, furnizimin dhe zgjerimin e kontejnerëve mbitokësorë dhe nëntokësorë për mbeturina, me vlerë 950 mijë euro. Ky tender synon përmirësimin e infrastrukturës në disa lagje të kryeqytetit kosovar.
Komuna, e udhëhequr nga kryetari Përparim Rama, ka paraparë realizimin e këtyre punimeve në dy zona:
- Zona 1: Qendra-Tophane, Dodona, Bregu i Diellit, Ulpiana, Dardania, Lakërishta;
- Zona 2: Kodra e Trimave, Bernicë e Epërme.
Sipas dosjes së tenderit, punimet përfshijnë ndërtimin e kontejnerëve nëntokësorë dhe mbitokësorë, si dhe zgjerimin e atyre ekzistues. Kjo iniciativë vjen në kontekstin e problemit të vazhdueshëm me menaxhimin e mbeturinave në Prishtinë.
Në të njëjtën ditë, më 24 mars 2026, Komuna e Prishtinës ka ndarë edhe 550 mijë euro të tjera për mirëmbajtjen e kryeqytetit.