Një ngjarje e rëndë ka ndodhur në qytetin e Pogradecit, ku një konflikt mes një çifti të moshuarish ka degraduar në përdorimin e forcës fizike. Sipas njoftimit zyrtar të Policisë së Shtetit, rreth orës 16:10, në lagjen nr. 1, shtetasi M. Sh., 78 vjeç, dyshohet se gjatë një konflikti në banesë ka goditur në kokë me një shkop druri bashkëshorten e tij, shtetasen Sh. Sh., 69 vjeçe.
E dëmtuara u dërgua për ndihmë mjekësore në spitalin e qytetit, por për shkak të gjendjes së rëndë shëndetësore dhe dëmtimeve të marra, ajo është transportuar me helikopter drejt Tiranës për të marrë trajtim më të specializuar.
Autori i dyshuar është shoqëruar në Komisariatin e Policisë Pogradec për kryerjen e veprimeve të mëtejshme procedurale. Grupi hetimor, nën drejtimin e Prokurorisë, po vijon punën për zbardhjen e plotë të rrethanave të këtij konflikti.
Përditësime
Policia identifikoi autorin e dyshuar si Muhamet Shemliko, 78 vjeç. E dëmtuara është transportuar me helikopterin e Ministrisë së Shëndetësisë për ndihmë mjekësore.