Ministri në detyrë i Punëve të Jashtme dhe Diasporës, Glauk Konjufca, ka reaguar ndaj një videoje të publikuar në rrjete sociale, në të cilën dëgjohet duke përdorur termin "frizerkë" gjatë një tubimi me qytetarë në Ferizaj.
Disa media dhe përdorues të rrjeteve sociale e interpretuan deklaratën si një ofendim ndaj ish-presidentes Vjosa Osmani. Konjufca ka sqaruar se deklarata nuk kishte të bënte me Osmanin, por me një ndërprerje nga një pseudogazetar që përdori termin në fjalë.
Ai shpjegoi se qëllimi i tij ishte të mbronte profesionin e frizeres si punë fisnike që mbështet familjet dhe që është përfshirë në programin e arsimit dual të qeverisë. Konjufca theksoi se ka respekt të ndërsjellë me Vjosa Osmanin dhe se mediat kanë ndërtuar një rrëfim të paqenë duke e nxjerrë fjalën jashtë kontekstit.
Në fund të reagimit ai ka kërkuar ndjesë nga të gjithë ata që mund të jenë ndier të lënduar nga ky interpretim.
Përditësime
Vjosa Osmani publikoi një postim në Facebook nga një sallon bukurie, ku theksoi se asnjë grua punonjëse nuk duhet të tallët. Ajo i quajti gratë "shtylla të Kosovës" dhe përmendi kontributet e tyre.