Përfaqësuesja e Kosovës për femra nuk arriti të marrë rezultat pozitiv në përballjen vendimtare ndaj Kroacisë, duke pësuar humbje minimale 1-0. Goli i vetëm i takimit u shënua në minutën e 15-të, pas një goditjeje nga këndi, e cila direkt e mposhti portieren Djellza Mehmeti.
Pas kësaj ndeshjeje, renditja në Grupin C2 tregon se si Kroacia ashtu edhe Kosova kanë grumbulluar nga 12 pikë, por kroatet kryesojnë falë goldallimit më të mirë. Kjo disfatë e ka detyruar Kosovën të lëshojë kreun e tabelës, por shpresat për kualifikim mbeten reale.
Në xhiron e fundit të kualifikimeve, Kosova do të luajë në udhëtim kundër Gjibraltarit. Një fitore në këtë përballje konsiderohet vendimtare për të siguruar një vend në fazën e play-off-it, si një ndër dy kombëtaret më të mira që renditen të dytat në Ligën C. Gjithashtu, ekziston mundësia teorike për të zënë vendin e parë në grup, nëse Kroacia dështon në ndeshjen e saj të fundit kundër Bullgarisë.
Përditësime
Karla Kurkutovic shënoi golin e vetëm në fitoren e Kroacisë ndaj Kosovës, rezultat që vulosi takimin e vlefshëm për kualifikimet e Botërorit.