Ministria e Drejtësisë e Kosovës njoftoi se në vitin 2025 u shpenzuan 6 milionë e 277 mijë e 500 euro nga buxheti i shtetit për mbrojtjen juridike të të akuzuarve në Dhomat e Specializuara të Kosovës në Hagë. Në total, për mbrojtjen dhe vizitat familjare, shuma arriti në 6 milionë e 515 mijë e 67 euro e 69 centë.
Të dhënat u morën nga Divizioni për Koordinimin e Procesit për Mbrojtjen Juridike dhe Mbështetjen Financiare të Personave të Akuzuar Potencial në Proceset Gjyqësore pranë Dhomave të Specializuara.
Shpenzimet për mbrojtje juridike
Shuma më e lartë u alokua për ish-krerët e Ushtrisë Çlirimtare të Kosovës:
• Hashim Thaçi, Kadri Veseli, Rexhep Selimi dhe Jakup Krasniqi: nga 1 milion e 320 mijë euro secili për rastin e krimeve të luftës. Për Hashim Thaçin u shpenzuan shtesë 17 mijë e 500 euro në rastin kundër administrimit të drejtësisë.
• Salih Mustafa dhe Pjetër Shala: nga 480 mijë euro secili.
• Bashkim Smakaj: 10 mijë euro.
• Fadil Fazliu: 7 mijë euro.
• Ismet Bahtijari: 3 mijë euro.
Ministria nuk ofroi të dhëna për shpenzimet e avokatëve të Haxhi Shalës, Sabit Januzit, Isni Kilajt dhe Hajredin Kuçit.
Vizitat familjare
Për vizitat familjare të të akuzuarve u shpenzuan 237 mijë e 567 euro e 69 centë, duke përfshirë biletat e aeroplanit dhe ushqimin.