Komisioni Qendror i Zgjedhjeve (KQZ) miratoi fondin total prej 345.6 milionë lekësh si mbështetje financiare për partitë politike për vitin 2026.
Shuma ndahet sipas formulës ligjore, që kombinon përfaqësimin parlamentar, votat e marra në zgjedhje dhe një pjesë bazë të barabartë për çdo subjekt. 70% e fondit lidhet me rezultatet zgjedhore, 20% shpërndahet sipas kritereve shtesë ligjore, ndërsa 10% ndahet në mënyrë të barabartë.
Partia Socialiste përfiton 166,067,986 lekë, ndërsa Partia Demokratike 81,187,402 lekë. Diferenca reflekton peshën elektorale dhe përfaqësimin e secilës forcë politike.
Partitë më të vogla përfitojnë shuma më të ulëta:
- Partia e Lirisë dhe Partia Socialdemokrate: rreth 10 milionë lekë;
- Mundësia: rreth 8 milionë lekë;
- Shqipëria Bëhet: 7 milionë lekë;
- Lëvizja Bashkë: 6 milionë lekë;
- PDIU, PBDNJ, PR, PAA, PDK, FRD dhe PBKD: rreth 5 milionë lekë;
- Nisma Thurje dhe Koalicioni Euroatlantik i Lulzim Bashës: rreth 4 milionë lekë.
Shumica e subjekteve marrin rreth 5.8 milionë lekë, kryesisht nga komponenti bazë i financimit, ndërsa subjektet pa përfaqësim të gjerë parlamentar përfitojnë vetëm pjesën fikse.