Komisioni Qendror i Zgjedhjeve (KQZ) ka nisur përgatitjet për organizimin e zgjedhjeve të parakohshme për Kuvendin e Kosovës. Këto zgjedhje u bënë të nevojshme pas moszgjedhjes në kohë të Presidentit, që çoi në shpërbërjen e Kuvendit. Janë të tretat me radhë parlamentare që nga viti 2025.
Në këtë fazë, para shpalljes së datës së zgjedhjeve, KQZ trajton çështjet fillestare dhe urgjente. Zëdhënësi Valmir Elezi ka shpjeguar se përgatitjet përfshijnë planifikimin e aktiviteteve zgjedhore, përcaktimin paraprak të afateve kohore, planifikimin e buxhetit dhe koordinimin me institucionet relevante. Këto do të miratohen në mbledhjen e parë pas caktimit të datës.
Meqenëse janë zgjedhje të parakohshme, aktivitetet, përfshirë fushatën zgjedhore, do të zhvillohen me afate të shkurtëra kohore, sipas Ligjit për Zgjedhjet e Përgjithshme. Një nga vendimet e para të KQZ-së do të jetë ndryshimi ose përshtatja e afateve për votuesit, subjektet politike dhe vëzhguesit, në pajtim me rrethanat dhe kohën në dispozicion.
KQZ do të përcaktojë afate specifike, si:
- Formimin e koalicioneve nga partitë politike dhe deklarimin e mospjesëmarjes;
- Certifikimin e subjekteve politike dhe dorëzimin e listave të kandidatëve për deputetë;
- Aktivitete të tjera që lidhen drejtpërdrejt me palët e përfshira.