Kremlini ka njoftuar se Presidenti rus Vladimir Putin ka marrë një ftesë përmes kanaleve diplomatike për t’u bashkuar me një Bord i Paqes të udhëhequr nga Shtetet e Bashkuara për Gazën. Ftesa i referohet një organizate që synon mbikëqyrjen e rindërtimit të Gazës.
Zëdhënësi i Kremlinit, Dmitry Peskov, deklaroi se lideri rus po e shqyrton aktualisht propozimin. “Për momentin, po studiojmë të gjitha detajet e këtij propozimi dhe shpresojmë të kemi kontakte me palën amerikane për të sqaruar të gjitha nuancat”, tha ai.
Sipas burimeve, Presidenti i SHBA-së, Donald Trump, do të kryesojë bordin ekzekutiv. Midis anëtarëve të tjerë mendohet se do të jetë ish-kryeministri britanik Tony Blair. Dy burime raportojnë gjithashtu se midis tyre mund të jetë edhe kryeministri shqiptar Edi Rama, ndërsa një tjetër nuk e përmend atë.
Më herët të hënën, udhëheqësi i Kazakistanit pranoi ftesën për t’u bashkuar me të njëjtin bord, sipas zëdhënësit të tij. Një burim shton se Trump ka ftuar 60 vende, por anëtarësimi i përhershëm është në dispozicion vetëm për ata që paguajnë 1 miliard dollarë.
Përditësime
Bordi i Paqes për Gazën, udhëhequr nga Presidenti Trump, përbëhet nga 11 anëtarë ekzekutivë. Midis tyre: Steve Witkoff, i dërguari i posaçëm i Trump-it, dhe Marco Rubio, sekretari i Shtetit i SHBA-së.