Juliand Halili, i njohur edhe si Xhuliano Halili ose Niko, 44-vjeçar nga Tepelena, dyshohet për vrasjen e Jani Aliajt. Policia greke e konsideron një nga kriminelët më të rrezikshëm, i cili ka vepruar brenda dhe jashtë burgjeve. Ai akuzohet për të paktën katër vrasje, një tentativë vrasje dhe hetohet për vrasjen e fundit në burgun Koridhalos.
Halili ka vepruar të paktën dy herë nën urdhrat e kriminelit grek Vasilis Varelas, i akuzuar për krime të rënda, përfshirë trafikun e drogës. Varelas njihet si dublant i aktorit Chuck Norris në filmat e viteve 1980.
Tentativat ndaj ish-burrit të gruas së Varelas
- Më 6 mars 2009, në Nea Filadelfia, Halili qëlloi dy herë në kokë dhe një herë në gjoks ish-burrin e gruas së Varelas. Viktima mbijetoi pas operacioneve.
- Më 5 gusht 2009, në Igumenicë, u organizua një atentat tjetër, por arma e autorit u bllokua ndërsa e synonte në kokë.
Vrasjet e tjera
Halili hetohet për vrasjen e Sotiri Psikopaida, 29-vjeçar dhe punonjës diskoje, më 11 nëntor 2008 në Mikromani të Kalamatës. Viktima u qëllua katër herë me armë zjarri, një prej të cilave në kokë.
Më 29 nëntor 2011, pranë lumit Pamiso në Mesinia, Halili ekzekutoi Fillim Mesaja (35 vjeç) dhe djalin e tij Oligert Mesaja (2 vjeç e gjysmë), me origjinë nga fshati Caj i Kukësit. Ai qëlloi Fillimin me çifte në kokë dhe therri Oligertin. Ngjarja lidhet me llogaritë e Varelas me Mesajën.
Arrati dhe vrasja në burg
Në vitin 2018, Halili u arratis nga Porti i Pireut gjatë transportit drejt burgut, bashkë me Alfons Ndoci. Të dy u kapën shpejt nga policia.
Në qershor 2024, brenda burgut Koridhalos, Xhuliano Halili vrau Alfons Ndoci (35 vjeç) dhe plagosi Altin Vokrri (48 vjeç). Vrasja e Ndocit dyshohet se u porosit me pagesë nga jashtë.
Përditësime
Hetimi për vrasjen e Jani Aliaj tani fokusohet te Juliand Halili.
• Një i dënuar grek u deklarua fillimisht si autori.
• Vrasja ndodhi në zonën G’ të burgut të sigurisë së lartë në Korydallos.
• Jani Aliaj ishte 49-vjeçar me precedente të rënda penale.