Jani Aliaj, 49-vjeçar, u vra në burgun e sigurisë së lartë të Koridhalos në Greqi. Hetimet kanë marrë kthesë, me dyshime të forta ndaj Xhuliano Halilit, 44-vjeçar nga Tepelena, i dënuar me burgim të përjetshëm.
Halili ndodhej në të njëjtin sektor me viktimën dhe në qeli pranë tij. Ai rezulton i plagosur në vendngjarje, çka ka ngritur dyshimet e policisë greke për përfshirjen e tij drejtpërdrejt. Fillimisht, Kristos Vardhuniotis, 27-vjeçar grek i burgosur, u vetëdorëzua duke deklaruar se ai e kishte vrarë Aliaj. Megjithatë, në trupin e tij nuk u gjetën shenja përleshjeje, ndërsa Halili ishte i vetmi i dëmtuar fizikisht.
Burime pranë hetimit bëjnë me dije se brenda komunitetit të burgut është përfolur menjëherë pas ngjarjes se Halili është autori real, ndërsa greku dyshohet se është paguar ose kërcënuar për të marrë përsipër përgjegjësinë. Këto informacione kanë shtyrë autoritetet greke të thellojnë hetimet dhe të rishikojnë versionin fillestar.
Jani Aliaj përmendej prej vitesh në dosje hetimore si i dyshuar për përfshirje në përplasjet e grupeve kriminale greke, të njohura si “Mafia greke”, por këto dyshime nuk u provuan kurrë.
Kush është Xhuliano Halili
Xhuliano Halili, i njohur me nofkën “Niko”, konsiderohet vrasës me pagesë. Në nëntor 2011, në Kalamata, ai akuzohet se vrau Fillim Mesajan, 35-vjeçar, dhe djalin e tij të mitur Oligert Mesajan, 2-vjeçar, me origjinë nga Caji i Kukësit. Kjo vrasje porositur nga krimineli grek Vasilis Varelas për larje hesapesh.
Në vitin 2018, Halili u arratis nga Porti i Pireut gjatë transferimit drejt burgut, por u kap shpejt. Në qershor 2024, në të njëjtin burg të Koridhalos, ai vrau Alfons Ndocin dhe plagosi një tjetër të burgosur.
Përditësime
Jani Aliaj, i dënuar me burgim të përjetshëm në Shqipëri për vrasjen e Elton Çiços më 1 maj 2016 në Tiranë, u vra më 19 janar në një sektor pa kamera sigurie dhe në regjim të hapur të burgut të Koridhalos, ndërsa po ekstradohej drejt Greqisë. Dyshuari u arrestua më 31 dhjetor 2024, ndërsa hetimet presin rezultatet laboratorike për identifikimin e autorit. Xhuliano Halili akuzohet për vrasje me pagesë ndaj grekëve në 2008-2009 dhe përmendet në hetimet për vrasjen e kushëririt të tij në 2022 në Greqi.
Xhuliano Halili u transferua së fundmi në burgun e Koridhalos. Hetimet kanë zbuluar lidhje të reja:
- Halili u arratis bashkë me Alfons Ndoci nga Porti i Pireut në 2018.
- Në qershor 2024, Halili vrau Ndoci-n dhe plagosi Altin Vokrrin.
- Vrasja e Ndoci-s dyshohet të jetë porositur me pagesë nga jashtë.
- Për vrasjen e Mesajit: goditje në qafë me thikë tek fëmija, pranë lumit, lidhur me marrëveshje biznesi.
Autoritetet greke akuzojnë Halil-in për vrasjen e Sotir Psikopaidës më 11 nëntor 2008 në Mikromano, Kalamata. Viktima, punonjës diskoteke, u qëllua me 4 plumba.
Halil-i dyshohet për dy tentativa vrasje ndaj ish-burrit të gruas së Varelas-it:
- Më 6 mars 2009 në Nea Filadelfia: 2 plumba në kokë dhe 1 në gjoks; mbijetoi.
- Më 5 gusht 2009 në Igumenicë: arma u bllokua.
Halil-i cilësohet si i përfshirë në trafik droge nën Varelas-in dhe akuzohet për të paktën 4 vrasje dhe 1 tentativë vrasje.