Kristiano Ronaldo ka konfirmuar se do të vazhdojë karrierën e tij te Al Nasr në Arabinë Saudite, duke i dhënë fund spekulimeve për një largim të mundshëm.
Ylli portugez, 41-vjeçari, theksoi se ndihet i përmbushur si në aspektin profesional ashtu edhe në atë personal. Ai vlerësoi mikpritjen e marrë që nga transferimi në Lindjen e Mesme. “I përkas Arabisë Saudite. Dua të vazhdoj këtu. Është një vend që më ka mirëpritur mua, familjen dhe miqtë e mi. Jam i lumtur këtu dhe dua të vazhdoj këtu”, deklaroi Ronaldo.
Që nga kalimi te Al Nasr, ai ka qenë një nga figurat kryesore në rritjen e profilit të kampionatit saudit. Ai së fundi shënoi ndaj Al Hazemit, duke mos u ndalur drejt objektivit të tij për të shënuar 1000 gola. Deklarata konfirmon angazhimin afatgjatë me klubin saudit.