Kryeministri i Shqipërisë, Edi Rama, udhëtoi këtë të martë drejt Gjermanisë për të marrë pjesë në punimet e Konferencës Vjetore të Komisionit të Bllokut Lindor në Berlin. Gjatë qëndrimit në kryeqytetin gjerman, ai u përball me një grup emigrantësh shqiptarë, të cilët kishin organizuar një protestë pranë mjediseve ku zhvillohej aktiviteti.
Protestuesit mbanin pankarta dhe lëshuan thirrje drejtuar kreut të qeverisë, ndër të cilat:
• "Edi Rama o tradhtar, jep dorëheqjen sa më parë"
• "Turp"
• "Anulo projektin"
• "Anulo ligjin"
Protesta u shoqërua edhe me fishkëllima ndaj kryeministrit. Në momentin e largimit nga aktiviteti, Edi Rama ka reaguar duke i përshëndetur protestuesit me dorë, përpara se të futej në automjetin zyrtar.