Kryeministri Edi Rama është përballur me një protestë gjatë vizitës së tij në Düsseldorf të Gjermanisë. Një grup protestuesish shqiptarë, të pajisur me simbole kombëtare, janë mbledhur jashtë godinës ku po zhvillohej takimi mes kryeministrit Rama dhe kryeministrit të landit të Nordrhein-Westfalen, Hendrik Wüst.
Demonstruesit kanë shprehur pakënaqësitë e tyre përmes thirrjeve për dorëheqjen e kryeministrit dhe pankartave kundër ligjeve që, sipas tyre, favorizojnë privatizimin e pasurive publike. Ata theksuan se revolta e tyre vjen në mbështetje të protestave që po zhvillohen në Tiranë.
Ky është rasti i dytë brenda pak javësh që kryeministri shqiptar ndeshet me protesta të shqiptarëve të diasporës gjatë udhëtimeve të tij zyrtare. Një episod i ngjashëm u regjistrua më herët edhe në Basel të Zvicrës.