Protestat që po zhvillohen në Tiranë kundër qeverisë së kryeministrit Edi Rama kanë tërhequr vëmendjen e ZDF, një ndër mediat më të mëdha publike në Gjermani. Sipas raportimit, intensiteti i protestave është shtuar, me pjesëmarrje të vazhdueshme të mijëra qytetarëve në kryeqytet.
Media gjermane nënvizon se dhjetëra mijëra protestues mblidhen çdo ditë para godinës së Kryeministrisë për të shprehur pakënaqësinë e tyre. Ky zhvillim renditet tashmë ndër ngjarjet që po ndiqen me interes në nivel europian, duke iu shtuar mbulimit mediatik nga agjenci ndërkombëtare si CNN dhe Reuters.
Organizatorët kanë konfirmuar vijimin e tubimeve deri në plotësimin e kërkesave, të cilat përfshijnë dorëheqjen e kryeministrit Edi Rama dhe largimin e anëtarëve të kabinetit qeveritar. Deri në këtë fazë, në Tiranë janë organizuar 14 protesta masive, ndërsa thirrja për protestën e 15-të është planifikuar për këtë të diel në orën 18:00.