Pas tri javesh demonstrate te pandeprera, qytetaret ne Tirane mblidhen sërish sot, per diten e 23-te radhazi, per te protestuar kunder qeverise se udhehequr nga kryeministri Edi Rama. Tubimi eshte planifikuar te nise ne oren 19:00 te Sheshi Skenderbej, nga ku pjesemarresit do te marshojne drejt godines se Kryeministrise.
Kjo levizje qytetare, e cila ka perfshire ne radhet e saj edhe nje numer te konsiderueshem te shqiptareve nga diaspora, zhvillohet nen moton: "Kur Shqiperia therret, bijte pergjigjen". Pjesemarrja e emigranteve konsiderohet nga organizatoret si tregues i pakenaqesise ne rritje ndaj qeverisjes aktuale.
Kerkesat e protestuesve jane perqendruar ne disa pika kryesore:
- Doreheqja e parenegociueshme e kryeministrit Edi Rama.
- Lufta kunder korrupsionit dhe keqqeverisjes.
- Rritja e llogaridhenies institucionale.
- Adresimi i problematikave qe nxisin largimin masiv te te rinjve nga vendi.
Gjate dites se djeshme, ne protesten e 22-te, protestuesit marshuan ne pika kyce te kryeqytetit, duke perfshire Bashkine e Tiranes, Parlamentin dhe Qytetin Studenti, perpara se te mbyllnin tubimin para Kryeministrise. Organizatoret theksojne se manifestimet do te vazhdojne deri ne permbushjen e kerkesave te tyre.
Përditësime
Protestuesit kanë vendosur të kalojnë natën para Kryeministrisë, duke shtuar presionin ndaj qeverisë në protestën e 23-të të radhës, e cila po mbështetet edhe nga diaspora. Pjesëmarrësit kanë parashtruar kërkesat e tyre, të cilat përfshijnë krijimin e një qeverie teknike, ndryshime kushtetuese dhe shfuqizimin e ligjeve për investimet strategjike dhe zonat e mbrojtura. Gjithashtu, protestuesit i kanë bërë thirrje Ambasadorit Wendt për një qëndrim të qartë të komunitetit ndërkombëtar mbi zhvillimet e fundit politike.