Albin Kurti, kryeministër i Republikës së Kosovës, bëri homazhe te varrezat e të vrarëve në fshatin Lybeniq të komunës së Pejës, në përvjetorin e 27-të të masakrës së 1 prillit 1999 nga forcat e armatosura të Serbisë.
Mëngjesin e hershëm të asaj dite, pjesëtarë të njësive “Çakejt” dhe “Mbrojtja Territoriale” të ushtrisë serbe sulmuan fshatin. Ata i nxorën banorët nga shtëpitë, i mblodhën në mes të fshatit afër xhamisë, ndanë dhe dëbuan duke i nisur drejt Shqipërisë fëmijët, gratë e të moshuarit. Pastaj ekzekutuan me rafalë të pandalshëm të armëve automatike 59 burra nga familjet:
• Alimehaj
• Ukshinaj
• Huskaj
• Hamzaj
• Bobi
• Shoshi
• Morina
• Jahmurataj
• Avdullahaj
• Bushati
• Sylaj
• Haradinaj
• Rrustemaj
• Lokaj
• Rexhaj
• Tahiraj
• Berisha.
Human Rights Watch dokumentoi masakrën qysh në vitin 1999, krahas dëshmive dhe dëshmitarëve. Serbia ka zvarritur dhe mjegulluar procesin gjyqësor të nisur atje, sipas burimeve.