Kryeministri Edi Rama, së bashku me bashkëshorten Linda Rama, morën pjesë në pritjen dhe darkën zyrtare të shtruar për nder të krerëve të shteteve dhe qeverive të vendeve anëtare të NATO-s.
Ceremonia u organizua nga Presidenti i Turqisë, Recep Tayyip Erdoğan, dhe Zonja e Parë, Emine Erdoğan, për liderët e shteteve pjesëmarrëse në samit dhe bashkëshortët e tyre. Gjatë këtij aktiviteti, kryeministri Rama u takua me çiftin presidencial turk, takim i cili u pasua nga realizimi i fotografisë së rastit.
Delegacioni shqiptar po merr pjesë në punimet e samitit në Ankara, i cili konsiderohet si një ndër aktivitetet më të rëndësishme të Aleancës.