Në kuadër të Samitit të NATO-s që po zhvillohet në Ankara, një fotografi ku shfaqen presidenti turk Rexhep Tayyip Erdogan dhe Sekretari i Përgjithshëm i Aleancës, Mark Rutte, duke ecur dorë për dore, ka tërhequr vëmendjen e opinionit publik dhe mediave ndërkombëtare. Fotografia është publikuar nga Presidenca e Turqisë dhe është interpretuar nga vëzhguesit si një sinjal simbolik i afrisë diplomatike mes palëve.
Ekspertët vlerësojnë se ky gjest pasqyron ndikimin në rritje të Turqisë brenda Aleancës Veri-Atlantike. Samiti, i cili po zhvillohet në një periudhë me sfida të shtuara ndërkombëtare, fokusohet në forcimin e mbrojtjes kolektive, rritjen e shpenzimeve ushtarake dhe koordinimin e vendeve anëtare përballë kërcënimeve të sigurisë.
Turqia vijon të konsiderohet një partner strategjik kyç për NATO-n, duke pasur parasysh pozicionin e saj gjeografik me ndikim në rajonin e Detit të Zi, Lindjes së Mesme dhe Mesdheut.
Përditësime
Presidenti Recep Tayyip Erdogan shtroi një darkë zyrtare për liderët e NATO-s në përmbyllje të ditës së parë të samitit. Në këtë ceremoni, ku u realizua edhe fotografia tradicionale, mori pjesë kryeministri i Shqipërisë, Edi Rama, së bashku me krerët e tjerë të shteteve dhe qeverive.