Samiti i liderëve të NATO-s ka filluar punimet ditën e martë në Ankara të Turqisë dhe do të vazhdojë deri të mërkurën. Në këtë ngjarje, pjesëmarrësit zhvilluan darkën zyrtare të organizuar nga presidenti turk, Recep Tayyip Erdogan, ku u realizua edhe fotografia tradicionale familjare e krerëve të shteteve dhe qeverive.
Sekretari i Përgjithshëm i NATO-s, Mark Rutte, hapi sesionin duke prezantuar të dhënat mbi shpenzimet për mbrojtjen nga vendet anëtare. Në kuadër të punimeve, është parashikuar një takim dypalësh mes presidentit amerikan Donald Trump dhe homologut të tij turk, Recep Tayyip Erdogan.
Në deklaratat e tij, presidenti Trump vlerësoi qëndrimin e Turqisë, duke hapur mundësinë e rishqyrtimit të shitjes së avionëve F-35. Nga ana tjetër, presidenti amerikan shprehu pakënaqësi ndaj disa aleatëve evropianë, duke deklaruar: "NATO më ka zhgënjyer. Franca, Britania e Madhe, Gjermania dhe Italia na kanë kthyer shpinën".
Kryeministri i Shqipërisë, Edi Rama, i cili shoqërohej nga bashkëshortja, u mirëprit në ceremoni nga presidenti Erdogan dhe Zonja e Parë, Emine Erdogan.