Kryeministri Edi Rama mbërriti në Jerevan të Armenisë më 4 maj 2026 për të marrë pjesë në Samitin e 8-të të Komunitetit Politik Europian (EPC).
Ai u prit nga homologu armen, Nikol Pashinyan. Samiti mbahet nën moton “Ndërtimi i së Ardhmes: Uniteti dhe Stabiliteti në Evropë” dhe bashkëkryesohet nga António Costa, Presidenti i Këshillit Evropian, dhe Nikol Pashinyan.
Ky takim mban liderë nga vende të ndryshme të Evropës për të diskutuar çështje të sigurisë, bashkëpunimit rajonal dhe sfidave të përbashkëta politike e ekonomike. Pjesëmarrja e Ramës vjen në kuadër të angazhimeve të Shqipërisë në proceset europiane dhe forcimit të bashkëpunimit me vendet e Bashkimit Europian dhe partnerët ndërkombëtarë.
Gjatë punimeve, liderët trajtojnë tema strategjike për stabilitetin dhe zhvillimin e Evropës. Në rrjetet sociale, Rama ndau një foto familjare me mbishkrimin “Jerevan, Armeni, Foto familjare nga Samiti i 8-të i Komunitetit Politik Europian (EPC)”.
Përditësime
Kryeministri Edi Rama:
- Shkëmbeu batuta me Kryeministren italiane Giorgia Meloni gjatë pozimit për foton familjare në Samitin e 8-të të EPC-së në Jerevan.
- Bisedoi me Antonio Costa, Presidentin e Këshillit të Evropës.